. ليل وسهر .. هذا دهر .. ماعاد به راحه ونوم
مغير أفكر بالقمر .. واذا ظهر زاد السهر .
. مادام أنا أحب القمر .. مالي و مال أهل النجوم
يا أهل النجوم أخذوا خبر.. تراني أحب القمر .
. ماله علاقه بالبدر .. ماله علاقه بالغيوم
تقدر تشوفه فالعصر .. تقدر تشوفه فالظهر .
. واذا ظهر.. من زود زينه لا ظهر.. تعطيه زوم
كله حلا كله فتن لبى عيونه لا ظهر .
. في وسط قلبي له قدر..وفي وسط عيني له لزوم
اذا تباطى ما ظهر .. يقل عندي فالنظر .
. ياحجاب اذا راح و جفا و أنا أزهمك لازم تقوم
لأني أشد الظهر .. يا راعي السيف الحمر .
. معناه اذا راح و جفا ما يعشق الا من قروم
كايد وأعرفه لا عشق ما يعشق الا منبهر .
. أمير ولا مقتدر .. ولا رجل من روس قوم
يا حجاب اذا جاك الخبر .. خابرك بترد الخبر .
. يا حجاب اذا زاد السهر .. مغير أقلب بالهموم
يا حجاب أنا عاشق قمر .. يا حجاب يمكنه سحر .
. يا حجاب أنا وقت الفجر .. تصييبني بعض السهوم
يا حجاب أخذ مني حذر .. لا يصدمك سهم الغدر .
. ما يزعجك وقت الفجر .. الا صياح أهل الزموم
واحد يدور له مفر .. واحد يفكر ينتحر .
. يا حجاب اذا طال السهر .. مغير أحسب بالنجوم
أدور أسباب المفر .. مره قهر .. مره شعر .
. يا حجاب اذا زاد السهر .. أو أزعجك كثر الهموم
حاول تدور لك مفر .. بس المهم لا تنكسر .
. يا حجاب اذا هرجي كثر .. أو مافهمت القصد عوم
في وسط بحري والشهر .. في وسط فكري له قصر .
. بداعب طروق الشعر .. والقاف يبغى له عموم
أل ال في عجز النظم والين في موقع صدر .
. جريت لي في تالي الليل موال
وأثر اللحن غنوه قبلي ملايين .
. مسحوب والمسحوب سواله أهوال
فهل المحبه لين صاروا مجانين .
. يا قلب مالك بين ذا الدرب منزال
ماني خبل و أتبع ضعوف و مساكين .
. حتيش لو كانت جميله و من أل
اللي لهم سيره وسلطه وبعدين .
. لا صارت الدعوه على صيت رجال
مالك على درب المراجل عناوين .
. يا هيه ياللي صابك جنون وهبال
خل الغلا والحب لهلك ولدين .
. ما قد سمعت الزير يا هيه وش قال
سهمٌ يصيب القلب الا الشرايين .
. ما قلت لك أترك هوا القلب وشتال
هم الهوا وفراق ناسٍ عزيزين .
. أعشق فتاتٍ حبها يطرب البال
بنت أجوديه بنت ناسٍ كريمين .
. يا حجاب كان الدمع بالعين همال
لاتحسب ان الناس قالوا يا مسكين .
. لا يا عريب الجد و العم و الخال
يا نسل سلطان العبيدي و نعمين .
. ربعك هل الطوله شغاميم و رجال
ربعم بنب هاجر سقيم المعادين .
. يا حجاب كان الدمع فالعين لا زال
يا ما ترى هلت دموعي من العين .
. أخذ النصيحه وسمع الزير وش قال
سهمٌ يصيب القلب الا الشرايين .
. وكان الغلا بالقلب والحب لا زال
خلها على الله رب كل المسلمين